Tamil christians Shop Now: Bible, songs & etc
பல்லவி
தூய நெறியில் வாழவே – துணைசெய் தேவே!
சரணங்கள்
1. தீய இருதயத்தால் – தெளிவில்லாத மனத்தால்
தரிசிக்கக்கூடுமோ? – அதால் துணைசெய் தேவே! – தூய
2. பல மிகு மாம்ச – பாவ இச்சாம்ச
சுவையில் சிக்காது நிமிடம் – துணைசெய் தேவே! – தூய
3. கெட்ட விஷயங்கள் – ஒட்டிக்கொள்ளாமல்
துட்டருடன் கலவாமல் – துணைசெய் தேவே! – தூய
4. அநித்திய உலகத்து – ஆசையோடெதிர்த்து
துணிந்து ஜெயம் பெற நித்தம் – துணைசெய் தேவே! – தூய
5. தேவ வசனத்தை – தினந்தினம் வாசித்தே விஸ்வாச
ஜெபத்தில் தரிக்க – துணைசெய் தேவே! – தூய
6. பார்வை பேச்சாலும் – கேள்வியினாலும்
சோரம் போகாமலிருக்க – துணைசெய் தேவே! – தூய
7. பாவிக ளேகும் பாதை செல்லாது
ஜீவிக்கத் தமியேனுக்கு – துணைசெய் தேவே! – தூய
